Awe djamars 27 di Sèptèmber ta dia di asistente botikario. Asistente botikario pa gran parti ta traha den botika. Por ta botika públiko òf botika den hospital kaminda tin training spesialisá. Francis Faulborn botikario manehadó (botika Otrobanda) ta mustra atenshon na e trabou di botikario.

Tei tur dia

Un dia grandi ku ta bin tur aña, danki na nos asistente botikarionan ku ta pone atenshon tan nesesario na nos héroenan di tur dia. Nan ta nos frontliners. Ken no mas komo un botikario pa trese dilanti pasobra tur e asistente botikarionan ta e man drechi i man robes, nos mente i tur kos pa e trabou dediká. E atenshon mas tantu ta bin tur aña pero pa aki na Kòrsou , e aña aki muy espesial pasobra nan a pasa 2 aña den pandemia. Pa gran parti no ta tende di e asistente botikarionan pero nan trabou ta balioso den práktika di tur dia ku nan ta hasi. Botikarionan i botikanan ta denominá komo e funshon kritiko ku ta keda traha ora tin pandemia òf kualke orkan ku pasa. Pero no ta tende di nan. Kon bon ta manera un dia di awe, un dia internashonal di asistente botikario pa bisa nan Danki. Danki grandi i di kurason pa e trabou di tur dia, esun asina balioso den tur botika rònt Kòrsou pero tambe nan ta funshonarionan ku no por traha den botika so pero tambe den inspekshon, SVB, den industria etc. Faulborn ta kontentu di tin su 4 asistentenan na botika Otrobanda ku ta su man drechi i man robes.

Estudio di asistente botikario

Nos tur na Kòrsou ta bon studiá ku nos skol básiko, skol sekundario i na nivel di MBO por sigui studia pa bira asistente botikario. Aki na Kòrsou nos ta bendishoná di tin instituto IFE ku ta duna e formashon ei ku ta dura 3 aña. Faulborn mes tin un studiante di IFE ku ta birando asistente botikario. E estudio por keda hasí na Kòrsou mes pero tambe den eksterior. I pa bira botikario e nivel ta universitario ku un estudio di 5 aña i spesialisá 7 aña. Esei si ta den eksterior so por hasié.

Dikon importante

Tin diferente liña di kuido, e promé liña ku ta esun di dòkternan di kas pasobra ta einan ta promé kaminda ku ta bai. Despues ta bai e segundo liña ku ta e dòkternan spesialista i e asistente botikario/botika ta kai bou komo esnan ku ta sigui den e kadena i ku ta sirbi tur dos liña  di kuida, tantu dòkter di kas komo e spesialistanan. Pero tambe segun Francis Faulborn, nan tei pa duna e kuido suplementario pa e persona ku ta un kliente, ku no ta malu pero ku tòg mester di atenshon spesial pa remedi. Otro servisio ku nan ta duna ta pa esnan ku ta duna kuido di enfermeria; nan ta suplementá e enfermeria pa e kuido ku hendenan mester sea na kas, kas di kuido, hospital etc. Nan ta e parti di e kadena di kuido esensial.

Di sirbidó pa wak sèn so

Francis Faulborn tin mas di 40 aña komo asistente botikario. E kambio tabata super grandi den e área aki. E ta kòrda ku el a bai studia ku sèn di Kòrsou i p’esei e tei bèk pa duna servisio na su pais. Tempu el a bin bèk el a sinti nesesidat di informashon pa uso di remedi tantu serka dòkter di kas komo pashèntnan. Ku tempu el a mira esei bira ménos pasobra Internet a subi i forma parti di nos bida pero te ainda mester di hopi informashon pasobra no tur kos riba Internet ta bon splika. I mester di informashon i e parti di informashon a kambia total. Tambe den e trabou mes el a mira kambio grandi di outomatisashon. I loke nan a siña komo botikario, remedi a para bira den práktika di tur dia, atministrashon. ‘Ami komo botikario ta mas manera un atministradó di e fluho di remedi pa ku su sèn i loke mi ta sinti falta ta e kontenido ku a bira muchu ménos”, Faulborn a bisa. El a referí na e echo pa splika i papia ku e usadó di remedi tokante su remedi mas mihó posibel. Siendo un botikario kritiko ku su mes sr. Faulborn a bisa ku loke el a mira kambia tambe ta ku nan mester tei i mustra kara, hasi loke nan ta bon den dje pero den práktika nan no tei, nan ta laga tende di nan ora ta algu di sèn so. I esei no ta korekto. Esei sr. Faulborn a mira masha hopi mes kambia den añanan ku e ta trahando. Den kuido nan ta sirbidó el a bisa. I e asento a kambia hopi pasobra nan no tei komo sirbidó mas pero ta mira nan den kuido solamente pa gana sèn i esei no ta korekto. I awendia tin asina tantu rapòrt traha etc., etc. pero e asento ta kon pa baha gastu.

Dia di asistente botika

No tur dia mester pero na chikí yama danki. De bes en kuando festehá bo kosnan bon ku ta sosodé. Tin kos bon ta sosodé tur momentu pero mester wak e kosnan bon. No tin mester di tur dia yama danki pa e kosnan bon pero de bes en kuando si. I awe ta un dia asina apropiá pa hasié pasobra e asistentenan botikario bale la pena i no di dje so pero tur.