WILLEMSTAD.- Djadumingu pasá tabata dia di Sabaneta ku a bai kompañá ku Dia Habrí na parke Kristòf. For di seis or di mainta Parke San Kristòf a habri pa esnan ku ke bai subi seru Kristofel òf bai kana un di e otro rutanan den e parke. Entrada tabata kompletamente grátis e dia ei.
Tabatin diferente otro aktividat mas riba e dia, kombiná ku stèntnan di kuminda, bibida, artesania, mata, kombiná ku músika henter dia.
Tambe tabatin pa nos hóbennan bounser, wall climbing, mechanical bull riding i tambe un ‘speurtocht’ edukativo. Tambe e grupo di koredornan di motersaikel M109 lo bin ekshibí nan motersaikelnan i tur hende lo a saka portrèt ku nan.
E aktividatnan a terminá 7 or di anochi.