WILLEMSTAD – Informashon di último ora for di New York ta indiká ku Didi Gregorius lo tin ku bai keda someté na un operashon, e asina yama ‘Tommy John Surgery’. Esei ta un proseder unda ta saka un tendón bon for di un brasa of man pa remplasa esun leshoná. E informashon den desaroyo aki ta indiká ku Didi lo bai pèrdè gran parti di temporada 2019. Den edishon di EXTRA mayan lo tin mas detaye.