Dies aña ku famia Vogels na Avila Beach Hotèl

Lokal

Hotèl ta yama Kòrsou danki ku akshonnan spesial pa e aña di hubileo

WILLEMSTAD.- Avila Beach Hotèl a alkansá un dia memorabel: ta eksaktamente dies aña pasá ku e famia Vogels a tuma kargo ofisialmente di e hotèl ikóniko akí. Den e último dékadanan, Avila a pasa dor di un modernisashon impreshonante, miéntras ku su karakterístiko outéntiko, konstruí pa dékadanan largu di trabou desde 1949 dor di doñonan anterior, partikularmente famia Møller, a keda konservá ku hopi koutela.

Dies aña di desaroyo i progreso
Desde e atkisishon den 2015, famia Vogels kontinuamente a invertí den renobashon, kalidat i sostenibilidat. Algun di e mehorashonnan mas importante ta:

Playanan renobá

Renobashon kompletu di kambernan Octagon

Renobashon di Blues Restaurant i The Pen Restaurant & Terrace

Kambernan Oceanfront Blues renobá

Apartamentonan Beachfront nobo

Penthouse i ‘suitenan’ nobo den La Belle Alliance

“Upgrade” di e dèk di pir, ‘beach huts’ i zonanan di playa

Bufèt di desayuno renobá i oferta kulinario ampliá.

Lokalidat di ‘fitness’ renobá i Cloud Nine Spa renobá

Invershon den restourashon di ref i vários proyekto sostenibel.

Mehoramentu kontinuo den área di teknologia, seguridat i komodidat

E yu hòmber mas hóben di famia Vogels, awor tambe ta aktivo den e hotèl di famia. Dorian Vogels, yu di Katja i Will Vogels, a kuminsá reforsá e tim na Avila Beach Hotèl resientemente i aparte di esaki, lo bai dirigí su mes mas na TUI BLUE Curaçao, e resòrt nobo di e famia ku meimei di aña 2026 lo habri na Santa Martha.

Apresio pa e isla

“Avila ta mas ku un hotèl pa nos, e ta un parti di nos herensia kultural,” Robbin Vogels ta bisa. “Nos ta agradesido pa e sosten, kariño i loyalidat di e komunidat di Kòrsou. E hubileo akí tambe ta un momentu pa duna gradisimentu na e isla.”

Akshon di hubileo pa komunidat lokal

Komo muestra di gratitut na e abitantenan di Kòrsou, Avila ta organisá un akshon di hubileo bou di tur suskriptor di e notisiero di hotèl. Por gana entre otro:

1× Weekend Stay (2 anochi)

10× Perfect Day at the Beach

10× Masashi na Cloud Nine Spa

10× Karchi di uso-10X di Avila Fitness Center

10× Voucher pa sena na Blues Restaurant

10× Voucher pa sena na The Pen Restaurant

Abitantenan di Kòrsou ta keda invitá pa registrá nan mes e siman akí mes, via di wèpsait https://www.avilabeachhotel.com/offers/ pa e notisiero ‘Ambiente’, pa por bin na remarke pa gana. Lo anunsiá e ganadónan den e notisiero di 17 di desèmber. Ademas, Avila Beach Hotèl lo hasi un donashon di 10.000 XCG na dies fundashon lokal den área di Naturalesa & Medio Ambiente, Arte & Kultura i Muchanan. Tambe lo hasi sorteo di 10.000 XCG bou di personal di Avila Beach Hotèl.