Awa ta baha ku alrededor di 10 sèn pa m3

WILLEMSTAD.-Regulatory Authority of Curaçao(RAC), antes BTP, e emití e kambionan di preis pa loke ta trata awa, koriente i kombustibel ku ta drenta vigor den e próksimo dianan. E informe ta indiká ku lo tin kambio di e tarifanan pa usuario pa gasolin Mogas 95 i Gasoil LSD entrante 30 di yüli awor.

E preis di gasolin ta kosta na pòmp te ku 29 di yüli awor Fl 2.167 pa liter. Esei ta kambia entrante  30 di yüli i ta bira Fl 2.156 pa liter pues diferensia di apénas 1 sèn. Pa loke ta trata diesel, e preis na pòmp ta F 1.688 pa liter i esei ta bira Fl 1.789 pa liter pues un oumentu di aproksimadamente 10 sèn pa liter. Gas pa kushina tantu e bòter di 100lbs komo esun di 20 lbs ta keda mesun kos esta respektivamente 80 i 16 florin.

Pa loke ta trata e tarifa di awa i koriente tambe por nota kambio. E tarifa di koriente aktualmente ta Fl 0.6688 pa kW-pa ora i esei ta kambia i bira Fl 0.6526 pa kW-pa ora pues un redukshon leve. Pa loke ta trata e tarifa di awa esei ta Fl 9.0669 pa m3 i ta kambia entrante 1 ougustus i ta bira Fl 8.8769 pa m3, pues awa ta bira mas o ménos 19 sèn mas ekonómiko. Mas detaye den edishon di EXTRA.