WILLEMSTAD,- EXTRA por a tuma nota ku awe for di den kareda di 5or di mainta, polisnan a haña nan ta atendé ku e situashon kaminda diferente kaminda a keda blòkia.

Ta trata aki di entre otro Seru di Domi, Romulo Bethancourt Boulevard na altura di Ennia, Dominico Don Martina Boulevard (Nieuwehaven) na altura di Ennia i tambe Biesheuvel.

Den área di Nieuwehaven ya kaba polisnan a logra kita e trùknan pisa for di riba kaminda miéntras ku den área di Domi tambe polisnan ta kitando outonan bieu ku a keda pone riba kaminda pa asina habri e kaminda bek.