WILLEMSTAD.- Un entiero digno i bunita ta loke ku Anselmus ‘Boy’ Dap a risibí ayera.

Korant EXTRA a pèrkurá pa su siguidónan riba su diferente plataformanan digital por a sigui e seremonia for di komienso te na momentu ku esaki a yega Plasa Brion, danki naturalmente na e kolaborashon ku Tele Curaçao.

Despues dje parti ofisial i rèspòns a sigui e moveshon dje korteho fúnebre ku a bai kas di famia Dap na Jan Noorduynweg i despues a rekoré e ruta di Karnaval.

Impreshonante

Simplemente impreshonante pa mira kon pueblo a sali kas i bai para riba ruta di Karnaval pa dje forma ei nan por a duna Boy Dap su último ayó!.

Manera e famia a pidi e pueblo a kumpli, sea ku lensu òf ku bandera di Kòrsou e públiko kantu di kaya a zuai nan lensu òf bandera i yama Boy ayó.

Riba fotonan ku ta kompaña e artíkulo nos por tuma nota di diferente momentu durante dje seremonia di entiero di Anselmus ‘Boy’ Dap.

Ku Dios dun’e sosiegu eterno. 

LAGA UN KOMENTARIO

Please enter your comment!
Please enter your name here