AGKK desapuntá ku gobièrnu

WILLEMSTAD - Direktiva di Asosashon di Gruponan di Karnaval Kòrsou (AGKK) na diferente okashon, a pidi gobièrnu pa traspasá e fondonan generá di prekario pa gruponan di karnaval.

“Despues di mas ku un aña di klousura di selebrashon di karnaval 2020  gobièrnu di Kòrsou a hasi traspaso di solamente Nafl. 84.460,97.  Esaki a trese hopi disgustu, rabia i malkontentu serka lidernan di grupo di karnaval.”

Den un relato finansiero ku direktiva di AGKK a risibí ta indiká ku gobièrnu di Kòrsou a kobra Nafl. 194.670,50 di prekario. E supuesto gastunan astronómiko di gobièrnu pa loke ta trata trabounan di kobransa di prekario a suma Nafl. 111.990,13 kual ta enserá entre otro:

Salario + overtime

Personal di ROP (ambtenaar)                  Nafl.  38.551,75

Personal kontratá (partikulier)                 Nafl.  40.932,47 +

Total                                                        Nafl.   79.484.22

Gastunan di komunikashon

Komunikashon / media                           Nafl.     1.934,50

Programa di kòmpiuter                            Nafl.    18.391,00 +

Total                                                       Nafl.    20.325,50

Gastunan di yamada

Tablet                                                     Nafl.         560,00

UTS                                                        Nafl,      2.486,19 +

Total                                                       Nafl.      3.046,19

Hür di outo                                           Nafl.      3.711,01

Gastunan di material                              Nafl.      5.423,21     

Direktiva di AGKK ta rechasá manera henter e proseso di kobransa di prekario karnaval 2020 a tuma lugá, i ta konsiderá pa aserka diferente entidatnan manera entre otro SOAB, Ombudsman p'asina informá i konsehá kual ta e pasonan ku por tuma pa start ku un proseso di investigashon.