WILLEMSTAD - Rashadi Geertruida, diseñadó di paña, stylist i doño di su propio liña di paña yamá Lerash, lo lusi tur afó den Karnaval 50. Rashadi a disidí pa partisipá na nos Gran Marcha di Karnaval pa promé biaha i e lo bai hasi esaki na un forma sumamente ekstrabagante.

Rashadi su deseo ta pa e por yuda engrandesé Kòrsou su Karnaval aún mas. El a diseñá su propio trahe yamá ”Magical Forest (Mondi Mágiko).” Tin hopi atributo di naturalesa manera mata, sneu i bestia kombiná ku fantasia di magia riba e trahe. Segun Rashadi “E trahe mester ta karnavalesko pero a la bes fashionable. Mi no kier a bai pa algu tradishonal”.