WILLEMSTAD.-Gobièrnu di Kòrsou a anunsiá suavisashon di e medidanan relashoná ku Covid-19. For di awe hendenan por bai landa mainta tempran di 4:30 te 8’or pa asina hasi un poko moveshon di kurpa. A bin kambio tambe na e lista di funshonnan vital.

Den kuadro di e lockdown ku ta vigente aktualmente outoridatnan a kanselá vários dispensashon ku a keda emití. E meta tabata pa kita mas tantu hende for di riba kaya i asina evitá mas kontakto entre hendenan i hasi e posibilidat di kontagio ménos.

Si anteriormente notario i abogadonan por a sigui traha, komo ku a konsiderá e funshonnan ei komo vital, den e di dos lockdown si nan no tabata riba e lista. Un lista nobo ku a keda emití awe ta mustra kambio den sentido ku por mira ku notario i abogadonan ta riba e lista di funshonnan vital atrobe. Ta nifiká ku notario i abogadonan por brinda e servisio. Nan por move riba kaminda publiko sin preokupashon ku plachi di dia.

BIJLAGE 1 - ontheffing dagklok