WILLEMSTAD.- Un pleitu pa un kabai árabe ta kasi saliendo for di man i ayera a disidí di pone e kabai na un lugá un ratu pa por solushoná e situashon.

Segun informashonnan ku EXTRA ta disponé di dje, aña pasá un persona Babeti a pidi un dama pa kumpra un kabai árabe pe. E persona Babeti aki, un mener a duna e dama e sèn pa kumpra e kabai pero a laga e kabai riba nòmber di e dama. E situashon a kuminsá bira un problema ora e dama ta reklamá ku e kabai ta di dje. A bai te polis pa intermediá den pasado.

Ayera mainta e kabai a disparsé di e rancho di Babeti kaminda e ta. A kuminsá buska i a topa e dama ta kana keiru ku e kabai riba kaya den área di St. Joris.

A yama polis pa intermediá. E doño di e kabai di rancho di Babeti ta bisa ku ta su kabai i e dama ta bisa ku ta di dje. E dama asta a bisa ku el a aserka abogado pa kuminsá un kaso sivil pa mustra ku e ta doño di e kabai.

A tuma kontakto ku un fiskal ku lo bai intermediá. Miéntras tantu a warda e kabai serka Stanley Ignacio pa por solushoná e problema aki.