WILLEMSTAD.- Djabièrnè awor Eric Garcia (78) ta bai kas bou di título hurídiko di “huisarest”. Garcia a inisiá proseso den korte pa e por bai kas debí na kondishon di su salú. Reclassering a bai prisòn, i a konstatá ku e kondishon ku Garcia ta sera den prisòn no ta adekuá pa su salú i ku ta rekomendá p’e bai kas sinta su kastigu. Awe Hof a bai di akuerdo ku rapòrt di Reclassering i ku defensa mr. Martina pa Garcia bai kas, te ora tin desishon nobo kai den e kaso. Garcia a apelá su sentensia. Garcia a keda kondená dia 8 mei 2019 na 4 aña di prisòn pa malversashon di 11 mion dòler den kaso di bankarota di Banco Maracaibo, falsifikashon i labamentu di plaka. Mas detaye den korant EXTRA.