WILLEMSTAD.- Djabièrnè awor korte ta tuma un desishon di ta laga Gerrit Schotte bai kas.

Ayera su abogadonan bou di guia di mr Lizaima da Costa Gomez a presentá un demanda den korte di apelashon pa eksihí libertat pa su kliente, Gerrit Schotte.

Ta ampliamente konosí ku na luna di yüni último Schotte mester a bai kas ku e famoso banchi, pero tabatin rapòrtnan negativo ku a prohibié di bai kas.

El a protesta kontra di loke e ta konsiderá inhustisia aki, pa medio di su abogado, pero a keda rechasá su petishon.

Ayera el a bai korte di apelashon pa pidi pa revisá e dosier den e kaso aki.

E kaso tabata porta sera konsekuentemente EXTRA no tin muchu detaye di loke a bin dilanti durante di tratamentu.

Loke si nos por bisa ta ku abogado mr da Costa Gomes a mustra korte ku a keda “gesjoemel” (engañá)  ku e kaso di Schotte ku ta sera den prisòn pa e por a Sali ku banchi.

El a pidi korte pa laga su kliente Sali inmediatamente. E wesnan presidí pa mr Ruud Veldhuisen lo tuma un desishon djabièrnè awor.

E wes menshoná ta unu basta konosí na Ulanda, kaminda el a sentensia e sospechoso den e atentado na Utrecht ku tram na bida largu di prisòn.

Ta trata di e mesun wes tambe ku den dianan pasa a duna libertat na e hòmber Yefri Waterfort, kende a bati un hòmber na pòmp di gasolin mata.

...Riba e foto abogadonan di DCL ku a hiba defensa pa Gerrit Schotte...