WILLEMSTAD.- Djabièrnè 23 di desèmber ministernan pa gobièrnu nobo pa Kòrsou ta huramentá. Formadó Kenneth Gijsbertha a entregá e programa di gobernashon “dignidat humano ta sentral” di partidonan MAN, PAR, PNP i PS na gobernadó di Kòrsou sra. Lucille George-Wout.

Djamars e último resultadonan di screening a drenta a base di integridat. A base di eseinan e kandidatonan niun tin estorbo pa por funshoná komo minister.

Formadó a presentá e siguiente minister i minister plenipotensiario.

Hensley Koeiman promé minister i minister enkargá ku asuntunan general;

Kenneth Gijsbertha minister di finansa;

Elsa Rozendal minister di enseñansa, siensia, kultura i deporte;

Zita Jesus-Leito minister di salubridat medio ambiente i naturalesa;

Eugene Rhuggenaath minister di asuntunan ekonómiko;

Susanne Camelia-Römer minister di tráfiko, transporte i urbanisashon;

Ornelio Martina minister di hustisia;

Ruthmilda LarmonieCecilia minister di planifikashon maneho i servisio;

Jaime Cordoba minister di asuntunan sosial, labor i bienestar;

Eunice Eisden minister plenipotensiario i

Anthony Begina minister plenipotensiario interino.

Djabièrnè 23 di desèmber e ministernan ta huramentá den palasio di gobernadó.