WILLEMSTAD.- Den aña 2018, ATSK a registrá un kantidat di 13.168 aksidente ku ta un bahada di 3% Kompará ku aña 2017.
Asosashon di Tráfiko Sigur ta bisa ku luna di desèmber ta keda e luna ku Forensys a bai duna mas asistensia na momento di aksidente. Den e luna aki a registrá un total di 1244 aksidente di tráfiko ku te ainda den historia ta e kantidat mas haltu registrá.
Febrüari a resultá e luna ku mas tiki aksidente registrá (979),
Desèmber tabata e luna tambe ku a registrá mas víktima (5).
Nos tráfiko a eksihí 18 víktima. Di e kantidat aki 10 tabata shofùr, 3 pasahero, 3 peaton i 2 motosiklista. Un total di 13 hende hòmber i 5 hende muhé a pèrdè nan bida. Mayoria víktima tabata entre 20-29 aña di edat (5).
Djadumingu ta e dia den siman ku pa añanan ta registrá mas víktima. Aña pasá e tabata 8. Djadumingu mardugá tambe ta e orario kaminda nos tráfiko ta eksihí mas víktima. Aña pasá 5.
Den e último 5 añanan aki, di e kantidat di 92 persona ku a pèrdè nan bida den tráfiko, 30 % ta riba djadumingu, sigui pa djabièrnè ku 16 %. Djárason ta e dia ku a registrá mas tiki (6 %).
E kaminda ku ta kondusí pa Westpunt ta keda e kaya ku ta eksihí mas víktima (3).
Pa loke ta trata sifra di e kantidat di heridonan ku a keda interná na Sehos i e kantidat di personanan ku a haña solamente tratamentu médiko na nos poliklínika, ATSK lo publiká esaki na un otro okashon.
Na 2014 tabatin 12318 aksidente di kual 19 víktima i 665 herido;
Na 2015 tabatin 11602 aksidente di kual 20 víktima i 600 herido;
Na 2016 tabatin 13496 aksidente di kual 18 víktima i 541 herido;
Na 2017 tabatin 13550 aksidente ku 17 víktima i 459 herido;
Na 2018 tabatin 13168 aksidente ku 18 víktima i no ta konosí ainda kuantu hende heridá.