WILLEMSTAD.- Ontvanger di Kòrsou ta notifiká ku entrante djaluna 30 di mart 2026 lo kuminsá ku entrega di plachi di number pa aña 2026.
Esaki lo tuma lugá na e lokalidat kaminda ántes tabata Las Vegas Supermarket riba Gosieweg. E orario lo ta di 08.00 or di mainta te 04.00 or di atardi.
Tur persona ku ta bini pa tuma nan plachi di number mester presentá ku un identifikashon bálido, nan karchi di kùr bálido i e “belastingkaart” di aña 2026
pagá, sea pa mitar òf henter aña.
Un biaha mas Ontvanger kier enfatisá ku ta solamente plachinan di number ku Ontvanger entregá por wòrdu poné riba e vehíkulonan.
E medida aki ta pa garantisá e integridat di e registrashon di e plachinan aki na Kòrsou i pa evitá mal uso i falsifikashon di esakinan.