WILLEMSTAD.- Ministerio di Salubridat, Medio Ambiente i Naturalesa ta partisipá ku djaluna awor trabounan di limpiesa i reparashon ta bai start na nos playanan. Ta trata ki di playanan ku resientemente a keda destruí pa laman brutu. E tim di GMN lo tei presente pa  supervisá e trabounan pa mas pronto posibel e lamannan ta den bon estado i aksesibel pa públiko atrobe.
Nos playanan ta un di nos atrakshonnan turístiko ku mas ta resaltá, pues ta di sumo importansia pa nan ta na òrdu i nèchi mas pronto posibel. E trabounan lo ta konsentrá na entre otro playanan di Daaibooi, Sta. Cruz, Westpunt i Kenepa Grandi i Chikí. Den e kuadro aki ta pidi públiko ku ta bishitá playa tambe diskulpa pa posibel inkumbiniensia ku e trabounan por okashoná. Momentu ku e trabounan keda kla lo informá esaki na komunidat.