WILLEMSTAD.- Despues di 1 luna di operashon, djaluna awor ta último dia ku e sentronan di bakunashon na SDK i tambe WTC  ta den funshon.

Siman pasa ya e sentro di bakunashon na Sambil a sera su portanan. Esaki ta nifiká ku awor lo keda 1 sentro di bakunashon so, kual ta esun di Poli na Sint Elizabeth Hospital. Poli huntu ku Anna Pav. tabata e promé sentronan di bakunashon ku a kuminsá for 24 di febrüari último. Awor ku ta bai keda 1 Sentro di bakunashon so, ku ta esun na Poli, ta spera ku tur esnan ku no a bakuna, hasi bon uso di e oportunidat aki promé ku terminá ku bakunashon na Kòrsou.

Pues tur esnan ku ya tin nan sita òf esnan ku no a bakuna ainda, por pasa na Poli.