WILLEMSTAD. - Djaluna 3 or Korte di Hustisia ta bai trata un kaso Sivil na unda Ministerio Públiko ta bai pidi rektifikashon kontra suidadano Norbert George ku a deklará públikamente ku OM Kòrsou ta paga periodista pa skibi bon i positivo di e organisashon.

Ministerio Públiko a eksihí rektifikashon di e suidadano, pero esaki a keda para riba su deklarashon i a ninga rektifikashon.

Sr. George a deklará ku un periodista di un radio emisora ta riba payroll di Ministerio Publkiko o sea ku tur luna tin un ènvelòp pa e periodista aki ku plaka aden.

OM no por akseptá ku ta trata di manchá su nòmber inhustamente i a disidí pa e kaminda aki di Korte sivil.

E kaso ta djaluna 23 di yanüari pa 3 or di atardi.