WILLEMSTAD -  Djárason 5 desèmber 2018 lo finalisá e último parti di Caracasbaaiweg ku a keda pará pa sierto inkumbiniensia.  Manera ta konosí algun siman pasa Servisio pa Obra Públiko (OW) huntu ku e kontratista CWM a realisá trabounan di mantenshon na Caracasbaaiweg. Trabounan a tuma lugá den oranan di anochi i den un periodo relativamente kòrtiku.

Nèt e dia ku mester a finalisá e trabounan a surgi un inkumbiniensia na momento ku un pipa di awa a kibra kousa bastante pèrdida di awa. Esaki a pone ku no por a finalisá e trabounan na e sitio enkuestion  riba e dia indiká.

Entretantu Aqualectra a atendé e situashon i djárason awor, 5 di desèmber 2018, den dia e kontratista CWM lo finalisá e último fase di e trabounan riba Caracasbaaiweg. E trabounan ta tuma lugá den oranan di mainta.

OW ta pidi outomobilistanan pa tene kuenta ku e situashon i sigui posibel indikashonnan ku bòrchinan.