WILLEMSTAD. - Djaweps benidero Korte Penal di Promé Instansia lo kuminsá trata e kaso penal kontra di dr. Emsley Tromp, Direktor Presidente di Banko Sentral di Kòrsou i St. Maarten. Ta trata di e investigashon di entre otro froude ku belasting den esfera privá. E kaso aki ta planiá pa sinku dia, esta te djamars otro siman. Detaye di e prosedura di e tratamentu aki lo keda ampliá den edishon di Extra mayan mainta.