WILLEMSTAD.- Den oranan di awe mèrdia outoridatnan a hasi e di dos detenshon den e kaso di asesinato di rèper Boechi. E kaso aki a haña e nòmber di Hummer.

E di dos detenshon a sosodé den Mexicoweg den kareda di mitar di 2 awe mèrdia. A detené e hòmber C.Z. nase na aña 1999 komo sospechoso den e kaso aki.

Manera ta konosí,  dia 7 d aprel último, tabatin diferente entrada hudisial na Kòrsou i na Ulanda. Na Ulanda a detené e hòmber C.C. sospecha di ta envolví den e asesinato.

Ba Kòrsou a hasi 3 entrada hudisial na Seru Kandela, Noord Roozendaal i Mahuma. Durante di e entradanan hudisial a konfiská diferente artíkulo relevante pa e kaso aki.

Na e momentu ei Ministerio Públiko a bisa ku no ta ekskluí mas detenshon. I esei a sosodé awe den kareda di mitar di 2 di mèrdia.

Dia 28 di novèmber, den oranan lat di anochi Ruchendell Bonifacio Windster konosí komo Boechi a keda likidá riba Rooseveltweg. Por bisa ku despues di 3 luna i mei detenshonnan a kuminsá kai. Dia 7di aprel e promé i awe mèrdia e di dos i tur kos ta indiká ku lo bai tin mas detenshon.