Philipsburg. - Tabata mas o menso 10.40 di djabièrnè anochi ora ku polisnan a haña notifikashon ku lo mester tin un tiramentu na Sucker Garden Road. Ora ku polis a bai na e sitio, nan a topa ku un outo ku un hende hòmber i un hende muhé ku no ta duna señal di bida. E outo tabatin vários perforashon di bala. (foto 721News).

Segun testigunan, t’asina ku e outo ku e víktimanan a aden a drenta den un kurá di kas i e momentu ei un otro outo a stashoná su tras i un persona a baha i lòs tirunan ku a resultá fatal pa e dos presonan den e outo.

E krímen aki a tuma lugá no muchu leu for di e hòmber víktima su kas.

Ounke ku polis no a duna e nòmbernan di e víktimanan den un forma ofisial, rápidamente riba facebook palabranan di kondolensia a kuminsá sirkulá.

Segun media na St. Maarten ta trata di e hòmber Taheba York di 31 aña di edat i e persona femenino Sabrina Martes di 23 aña di edat.

Detayenan di e kaso lo sigui despues di informashon ofisial di polis.