WILLEMSTAD.- Ayera den oranan di atardi, toubotnan di Kòrsou a sòru pa trese den haf pa reparashon un Dode Schip.

Ku bientunan suplando basta fuerte, koriente na boka di haf ta bon konosí kaba i laman poko brutu, e toubotnan di KTK a hasi maniobranan espektakular pa trese e barku di karga grandi H.A.Sklenar den haf di Kòrsou.
E barku aki ta konsiderá komo un Dode Schip. E tabata nabegá sin motor i ta un toubot tabata tou esaki i trese Kòrsou pa aki nos toubotnan tum’é over.
E barku tin un grandura di 245 meter largu i 35 meter hanchu. Teniendo na kuenta ku su motornan no tabata funshoná, ta e botonan mester a maneh’é, hinka den haf te na Damen kaminda e trabounan di reparashon lo tuma lugá.
Momentu ku e barku tabata drentando, tabata un espektákulo pa tantu turistanan komo nos hendenan lokal pa presensiá esaki.