WILLEMSTAD.-Dòkternan di kas ta hopi satisfecho ku komunidat di Kòrsou a kuminsá komprondé ku e meta ku nan a bati alarma djadumingu atardi tabata pa evitá aglomerashon di hende den konsultorio. Den kombersashon ku presidente di e Asosiashon di Dòkternan di Kas dr. Wallid Elhage el a splika EXTRA ku ta bayendo hopi bon despues di e anunsio di djadumingu.

Mayoria dòkternan mes a adaptá na e sistema i pashèntnan tambe a kuminsá kustumbrá ounke tòg tin basta hende ku no ke komprondé. Ofisinanan di dòkter di kas a kuminsá organisá anto por nota ku e meta prinsipal, kual ta pa evitá formamentu di grupo di hende malu den sala di espera den konsultorionan, a keda lográ asina dr. Elhage a duna di konosé.

https://extra.cw/no-bai-pero-yama-bo-dokter-di-kas/