WILLEMSTAD. - Outoridatnan di e tim di atrako a realisá dos detenshon importante. E detenshonnan aki ta resultado di un investigashon relashoná ku un atrako ku a tuma lugá dia 13 di òktober último na Carawaraweg.
Ayera alrededor di sinku pasá di sinku di mainta, tim di aresto a detené hòmber sospechoso di 18 aña di edat nasé na Kòrsou, den e kaso ariba menshoná. E detenshonnan a tuma lugá den área di Seru Lora.
Despues di e detenshon tim di Atrako a tene un entrada hudisial i a haña i konfiská artíkulonan ku ta di importansia pa e investigashon.
Mas lat alrededor den oranan di mèrdia, Tim di Aresto a detené e hòmber sospechoso F.E.L., di 20 aña di edat nasé na Kòrsou i e detenshonnan a tuma lugá den área di Seru Lora.
A presentá ámbos sospechoso dilanti un fiskal ouksiliar ku despues di interogashon a ordená nan enkarselamentu pendiente di mas investigashon. Inisial di e promé aresto no ta konosí.