WILLEMSTAD - Awe alrededor di 04.00’or, tim di Aresto konhuntamente ku tim di personal di UST a tene dos entrada hudisial na e adrèsnan na Kaya Eduardo Peterson i Leliënberg.

E entrada hudisial akí, ta relashoná ku un kaso di ladronisia di outo ku a tuma lugá dia 23 di òktober 2021 den área di Pietermaai. Durante di e investigashon polis a haña i a konfiská artíkulonan ku ta importante pa e investigashon.

Na e sitio polis a detené dos (2) hòmber sospechoso.

Ta trata di:

S.P.G.D., di 19 aña di edat,

J.J.S.P., di 31 aña di edat, ámbos nase na Kòrsou.

A presentá e sospechosonan dilanti un fiskal ouksiliar ku a ordená nan enkarselamentu pendiente di mas investigashon.