WILLEMSTAD.-Kòrsou a registrá dos kaso positivo nobo di Corona asina servisio di informashon ta indiká den un informe ofisial. Aktualmente Kòrsou tin 4 kaso aktivo. Un di e kasonan aki ta trata di un kompañero di un persona ku anteriormente a yega for di Aruba na kuminsamentu di e luna aki. E otro kaso ta un kaso importá, ku a bini den kambio di kambio di tripulashon for di Filipina. Tur 4 kaso aktivo ta den isolashon.