WILLEMSTAD.- Diesun parlamentario di partidonan (MFK, Kòrsou di Nos Tur, Pueblo Soberano, Movementu Progresivo i parlamentario independiente Eduard Braam) ayera nochi a reuní den sala di Parlamento. Durante reunion nan a aprobá moshon kontra presidente i visepresidente di Parlamento di Kòrsou, ku ta Giselle Mc William i Marilyn Alcalá-Wallé. Tambe nan a aprobá moshonnan kontra seis ministernan di Gabinete-Koeiman i tambe minister plenipotensiario i minister plenipotensiario suplente. Despues di reunion minister-presidente demishonario Hensley Koeiman a splika den un rueda di prensa den Fòrti ku e reunion tabata kompletamente ilegal, ku ta nifiká ku e moshonnan  en kuestion tampoko ta legal.