WILLEMSTAD.- Kòrsou awó ta disponé di dos trùk di shushi spesial pa rekohé shushi na nos playanan. Informashon ku EXTRA ta disponé ta ku normalmente tin “ploeg” ta rekohé shushi tur dia na nos playanan. Selikor tambe ta pasa rekohé shushi tur djaluna na playanan.
Sinembargo e uso di nos playanan a bira asina haltu ku e kantidat di shushi no por keda atendé manera ta hasi awor aki. E kantidat di shushi na playanan a bira demasiado i p’esei gobièrnu di Kòrsou a bini ku dos trùk di shushi. Un dje trùknan ta keda pone parti pabou i e otro pariba.
E idea aki ta unu ku tei riba mesa for di aña 2011. Un petishon pa ban tene nos playanan limpi.