WILLEMSTAD – Despues ku ayera tabatin un situashon ku e barku krusero Carnival Freedom, awe dr. Izyy Gerstenbluth a hañ’e ta atendé mesun situashon ku Odyssey of the Seas. Kontrali na ayera, awe dr. Izyy Gerstenbluth a informá e kapitan ku niun pasahero no por baha for di e barku. E informashon aki a keda konfirmá tambe pa Sau Bridgewater bosero di Curaçao Ports Authority (CPA). Awor ta desishon di e kapitan si e ta keda mara na Megapir òf e ta duna òrdu pa bandoná Kòrsou numa. Den edishon di EXTRA mayan lo tin mas detaye riba e situashon fèrfelu ku a surgi awe na Rif.

https://extra.cw/linianan-krusero-i-cpa-ta-sigui-reglanan-i-protokol-estriktamente/