WILLEMSTAD.-Steven Martina na e momentunan aki a bai serka su ekselensia gobernador di Kòrsou sra. Lucille George-Wout pa asina kumpli ku loke el a kaba di informá komunidat durante di un konferensia di prensa. Martina (MAN) a anunsiá ku e ta tuma su retiro komo minister despues ku djamars último el a keda informá ku Prokurador General ta bai kuminsá un investigashon penal kontra di dje pa e proposishon di lei pa oumentu di seguro di outo WA.

Den oranan di merdia dr. Ivan Steve Martina a yega den sala di reunion kaminda tur su koleganan di Konseho di Minister tei presente pa skucha su splikashon. Despues di e presentashon e ta bai gobernador.

Pa bira minister e mester a pone su akshonnan na distansia. El a entrega kopia na formador i komo tal e por a bira minister. Konseho di Minister a trata oumentu di seguro WA prome ku e bira minister. Na yuli 2017 el a bira minister i e proposishon di lei ku ya kaba a pasa Konseho di Konsulta pa despues bai

Un siudadano (Korsou di nos Tur) a entrega un keho na Ministerio Publiko pa investigá. OM a kuminsa un investigashon di echos. Djamars e siman aki el a keda informa ku PG lo kuminsa un kaso penal.

update;

Riba e foto momentu ku Steve Martina a kaba di entrega su reitor na gobernado. Den nos edishon di mayan tur informashon.