WILLEMSTAD.- Te ku ayera nochi lat ainda ‘dranghek’-nan tabata “nechi” pone kantu di kaminda. Un estorbo i peliger pa tráfiko ta reakshonnan ku EXTRA a haña.

A kustumbrá ku e mesun anochi ku marcha di Karnaval terminá, esta djamars di kima Momo, ya a kuminsá piki tur dranghek.

E aña aki sinembargo nan tabata pone te ku ayera nochi lat. Despues di 9 or di anochi a kuminsá kita nan.

Shofùrnan di bus ayera tabata basta indigná ku e situashon di Dranghek i pa no papia mes di peatonnan ku no por kana krusa kaya ora esaki ta nesesario.

EXTRA a keda aserká pa outomobilistanan i tambe shofùrnan di bus ku ke sa ku si algu pasa nan vehíkulo òf si kousa un desgrasia ku hende heridá, ta ken lo para responsabel.

Un kos ta sigur, e aña aki e situashonnan di dranghek tabata otro di loke a kustumbrá den pasado.