Willemstad.- Un kantidat di kokaina a keda konfiská na Base di Marina na Parera durante un entrada hudisial riba djabièrne 28 di yüni. E kokaina tabata skondí den un konteiner ku tabata kla pa wòrdu transportá pa Hulanda. Den e konteiner tabatin ekiponan personal.

E entrada hudisial a ser hasí dor di Koninklijke Marechaussee (Kmar) bou di supervishon di fiskal di Ministerio Públiko. E entrada tabata riba tereno di Defensa i Defensa a duna tur koperashon nesesario. E investigashon penal pa loke ta trata e droga ku a keda konfiská lo kontinuá.

Mas informashon lo sigui den nos proksimo edishon.