WILLEMSTAD.- Abitantenan di e aria di Jan Luis i besindario ta fadá di e situashon di dùmpmentu di shushi ilegal. Tin kantidat di portrèt ta sirkulá di dùmpmentu di sushi ilegal atrobe den aria di Jan Luis. E frustrashon ta sintá den e echo ku no ta tuma akshon kontra e akshonnan aki. Apesar ku minister Javier Silvania, enkargá ku medio ambiente ta propagá riba ret sosial ku por tuma kontakto ku Xteam Curaçao nada ta sosodé i tantu polis komo e Xteam ta na haltura di e práktikanan ilegal aki abitantenan rabiá ta indiká na EXTRA. Lider polítiko di partido MAN ku ta biba pariba tambe ta reklamá e akto aki publikando e portrètnan i bisando ku abusadornan ta sigui shusha nos medio ambiente  aya na Jan Luis.