WILLEMSTAD.-  Korte di promé instansia a trata kaso di un outomobilista ku a hasi su mes kulpabel na infrakshon di tráfiko. El a hasi esaki dor di a fabriká su detayenan personal.

Dia 13 di mei 2019 durante un kontrol di tráfiko, e akusado a duna nòmber i fecha di nasementu  falsu na polis.

Durante tratamentu di su kaso, el a bisa ku e no a duna nòmber falsu, pero su nòmber di kariño.

Fiskal na su turno a splika e akusado ku nan komo Ministerio Públiko semper ta hasi nan investigashon. Segun fiskal, a sali afó ku e nòmber ku e akusado a duna, no ta eksistí.

Pues p’esei nan a busk’e te ora ku hañ’e pa e bin korte bin duna kuenta i rason. Fiskal a bisa ku normalmente pa tipo di echonan asin’aki, e kastigu lo ta 1 siman den prizòn, pero e ta hañ’e demasiado haltu den e kaso aki.

Mirando esaki fiskal ta tene kuenta ku e ta un “ first offender”  i ta hasi demanda di 20 ora di trabou pa komunidat. Hues den su desishon no a mira motibu pa desviá for di e demanda i a konden’é na e loke fiskal a pidi.