Segun akusado e damita a provok’é

WILLEMSTAD.- Ayera e hòmber Edson Nahr (38) su kaso a keda tratá integralmente. Nahr ta keda akusá pa 5 kaso di inmoralidat kometé ku vários menor, tantu mucha muhé komo mucha hòmber. Segun e promé akusashon, den e periodo di novèmber 2018 pa aprel 2019 el a mishi ku e parti íntimo di un hobensito di 13 aña.

Ta trata di yu hòmber di su amiga kaminda e tabata keda drumi regularmente. E tabata duna e mucha lès di kanto i tambe tabata sòru pe komo un tata di kriansa. Segun e akusashon, e tabata laga e mucha tambe mishi ku su parti íntimo i tambe hasi sèks oral kuné. No tabatin penetrashon den e kaso aki.

Pa loke ta trata e di dos akusashon, Nahr ta keda akusá di tabata hasi meskos ku ruman hòmber di e hobensito promé ku e tempu ei tabatin 15 aña.

Segun e di 3 akusashon, na aña 2018 el a kometé aktonan inmoral ku yu hòmber di un kolega ku e tempu ei tabatin 11 aña.

Nahr tambe ta keda akusá di a violá un damita di 11 aña e tempu ei den e periodo di novèmber 2005 pa ougùstùs 2006.

Segun e último akusashon Nahr tabata mishi ku e damita den tur sentido di palabra.

Nahr a bisa komo profeshonal e ta sintié hopi kibrá. Segun e akusado, e loke  e ta keda akusá di dje, a hasi hopi efekto riba su persona.

El a bisa ku e no ta un persona ku ta den e ángulo nan ei. “Mi ta un profeshonal ku ta hasi kosnan positivo pa Kòrsou, p’esei e kos ei a hasi hopi impakto riba mi “

Segun Nahr e úniko fayo grandi ku el a kometé ta sèks  ku solamente e damita di 11 aña dia e (Nahr) tabatin 23 aña.

El a bisa ku e ta lamentá di e fayo ei, pasó e no mester a pasa nunka.

Segun Nahr e mucha muhé tabata su bisiña. Un dia e damita a yam’é bin serka dje pa sinta wak televishon. Ora ku el a kai sinta, e mucha muhé a hisa su saya i pone su man na su parti íntimo.

E mucha muhé a provok’é i tur kos a sosodé. Segun Nahr, na momento ku el a hasi penetrashon, el a sinti un doló inmenso. Ora ku el a wak, su parti íntimo tabata sangra un tiki.

Segun Nahr esei tabata su promé bia. Ora e mucha su mama a yega kas, el a kont’e kiko a sosodé. E mama a harié i bis’é ku pa su yu si no tabata promé bia.

Esei a pone ku el a bai kas i no a regresá mas na bibienda di e damita. Hues Verbeek a  revelá  ku e damita a deklará otro kos na polis.

E damita a konta su yùfrou di skol ku su mama a bai lag’é un dia i Nahr a presentá na su kas.

Nahr a habri un deken abou i a bis’é  pa bin wak televishon banda di dje. Ora ku el a hasi esei, Nahr a hisa su saya sunchi e i  kometé akto inmoral kuné den tur tipo di palabra. Fo’i dje di ei, el a bira esklabo di Nahr.

Nahr tabata tene relashon kuné sigur 2  bia pa siman. Nahr tabata dun’é tur kos ku e ke i e esei ta pone ku e  tabata sinti ku e mester a sèks ku Nahr komo pago.

Segun e damita, e aktonan ei a sosodé dia e tabatin 11 aña te ku 14 aña. El a bira hopi “ verliefd” riba Nahr. E promé bia ku el a  konta su mama, e no a kere.

Ayera Nahr a ninga e deklarashon aki kompletamente i a keda bisa ku ta e damita a provok’é. Hues a bis’é ku  e ta keda straño kon un hòmber di 23 aña por a laga un mucha di 11 aña provok’é. Nahr a bisa ku ora e sinta pensa e no por analisá di unda tur e kosnan  ei a bin.