Santu di Sahara lo mantené e bista limitá
WILLEMSTAD. – Tempu por lo general parsialmente nublá ku wer prinsipalmente seku. Bista ta keda redusí pa santu di Sahara i temperatura máksimo lo alkansá 32ºC i temperatura mínimo 27ºC.
Bientu generalmente ost i moderá; forsa 3 te 4 (12 te 30 km/ora, 7 te 16 nudo). Prinsipalmente den dia, de bes en kuando ráfaga basta fuerte; forsa 5 (31 te 39 km/ora, 17 te 21 nudo).
E situashon general ta kondishon atmosfériko aktual ta sigui stroba desaroyo di nubianan signifikante den nos region durante di próksimo 24 ora. Pa e motibu aki, no ta antisipá áwaseru signifikante riba nos isla. Mas aleu, presensia di santu di Sahara lo mantené e bista limitá.
Kondishon di laman lo keda trankil te moderá ku altura di ola entre 0.5 i 1.5 meter (2 i 5 pia).
Perspektiva te djadumingu atardi, por lo general parsialmente nublá, prinsipalmente seku anto ku un bista un poko redusí.