WILLEMSTAD.- Djaluna 11 di ougùstùs 2025, riba òrdu di fiskal di Ministerio Públiko personal di Divishon di Krímen Organisá a tene entrada hudisial na un adrès den Noord Sta. Rosa. E entrada hudisial tabata den kuadro di un investigashon relashoná ku violashon di lei di droga.
Kontinuando ku e investigashon a haña i konfiská un kantidat di mariwana i kokaina prepará kla pa benta. Tambe a enkontrá un kantidat di plaka kèsh prosedenté di e bentanan di e supstansianan prohibí. Enkonekshon ku esaki a detené e hòmber B.B.B. di 47 aña di edat i un dama K.K.A. di 18 aña di edat ámbos nasé na Kòrsou, pa e kaso ariba menshoná. Tambe e tim a deskubrí hortamentu di awa i koriente na e kasnan ku tabatin den kurá di e adrès ariba menshoná. Personal di Aquaelectra tabata presenté na e sitio i a atendé esaki. A presentá e sospechosonan dilanti di un fiskal ouksiliar ku a ordená enkarselamentu di B.B.B. pendiente di mas investigashon. Despues di interogashon e dama K.K.A. a rekobrá su libertat.