WILLEMSTAD - Djamars 13 di aprel 2021, personal di Warda di Polis Barber reforsá ku personal di Politur West a tene kontròl den kuadro di medida relashoná ku Covid-19.

E kontròlnan akí a tuma lugá na diferente sitio den área di Banda Bou. A repartí un kantidat di sinku (5) prosèsferbal pa violashon di e orario di toke de keda.

Durante di e kontròl den un parke di palu bou di algun sushi, e agentenan a bin haña i konfiská un tas di hep den kua tabatin un telefòn selular, algun sèn, 15 richi ku ta kontené kokaina, dos saku di plèstik ku mariwana i algun artíkulo mas.

Tambe a konfiská un outo ku a violá plachi di dia.

E kontròlnan aki lo kontinuá.