WILLEMSTAD - Ayera personal di Tráfiko konhuntamente ku personal di warda di polis di Otrobanda i Ministerio Públiko “Paga bo But”, a tene un kontròl di tráfiko general. E kontròl aki a tuma lugá entre 21.00 or pa 23.00 or, riba Franklin D. Rooseveltweg.

A kontrolá un total di 106 vehíkulo di kual 37 shofùr a keda verbalisá pa e siguiente infrakshonnan:

Manehá un vehíkulo sin:

Ø ku e impuesto di vehíkulo ta pagá

Ø faha di seguridat bistí

Ø reibeweis bálido;

Ø seguro bálido;

Ø karchi di kùr bálido;

Ø plachi di number na e vehíkulo dilanti;

Manehá un vehíkulo:

Ø ku glas skur;

Ø ku defekto na e lus dilanti.

Durante di e kontròlnan akí kran a transportá un kantidat di vehíkulo bou di kondishon.

Ministerio Públiko “Paga bo But” a kobra fl.2460,== na but atrasá.

E kontròlnan aki ta kontinuá.