WILLEMSTAD.- Durante di kontròl na e 808 establesimentunan e promé 5 lunanan di aña, a repartí 317 prosèsverbal. E prosèsverbalnan tabata pa diferente omishon kometé manera e.o uso di tapaboka, orario di sera, servisio di entrega, aglomerashon, bailamentu i tambe protokòl higiéniko.

Durante di e lunanan di Yanüari, Febrüari i Mart i Mei a parti mas tantu prosèsverbal pa uso di tapaboka. Na luna di aprel a parti mas tantu prosèsverbal pa orario di sera i tambe pa servisio di entrega. Pa ámbos omishon a repartí 17 prosèsverbal durante luna di aprel.

Na luna di Mei ku tabata e luna ku a repartí mas tantu prosèsverbal, e omishonnan resaltá tabata pa uso di tapaboka, orario  di sera i servisio di entrega.

Luna di Febrüari tabata e luna ku a repartí ménos prosèsverbal di kual mayoria tabata pa uso di tapaboka.

Di otro banda e omishon ku a parti ménos prosèsverbal pe tabata kumplimentu ku protokòl higiéniko.

A parti prosèsverbal pa esakinan den luna di Aprel i Mei so.