Tempu ta parsialmente nublá i ku algun áwaseru lokal.  Bientu lo supla  un poko mas fuerte durante próksimo dos dianan.

Situashon general, durante di próksimo 24 ora lo tin mas nubia ta pasa den nos region de bes en kuando, esakinan lo por sòru pa desaroyo di áwaseru. Nos bientu a oumentá, esaki ta debí na e ekstenshon di e área di preshon haltu riba Atlántiko ku a penetrá den e parti ost di laman Caribe.

Temperatura máksimo lo alkansá 31°C i temperatura mínimo di 25°C.
Solo ta sali 06:38 i ta baha 18:08.

Bientu generalmente ost i moderá ku forsa 3 te 4 (12 te 30 km/ora, 7 te 16 nudo). De bes en kuando bastante fuerte den ráfaga; forsa 5 te 6  (31 te 50 km/ora, 17 te 27 nudo).

Kondishon di laman ta moderá ku altura di olanan entre 1 te 1.5 meter (3 te 5 pia).

Perspektiva te djaweps atardi: Tempu parsialmente nublá, de bes en kuando hopi nublá ku un òf mas áwaseru lokal. Bientu lo mengua un poko.

Pronóstiko di tempu pa Kòrsou i bisindario bálido te djárason atardi 6 or.