WILLEMSTAD - Polis a analisá e krímennan di impakto haltu durante di e periodo di 31 di yanüari 2022 pa 6 di febrüari 2022.
Den e e periodo ei tabatin un (1) registrashon pa loke ta atrako. E atrako aki a tuma lugá alrededor di 21.21’or den un kas den e bario di Weis.
Pa loke ta kiebro den kas, a drenta tres (3) denunsia na polis i nan a tuma lugá entre djaluna i djárason, durante di e periodo di 11.00’or pa 13.30’or.
E barionan na unda esakinan a tuma lugá ta Souax West, Ronde Klip i Oude Water.
Malechornan a kibra den dos (2) negoshi entre 03.00’or i 05.00’or di mardugá, dor di fòrsa porta i destruí plafòn. E kiebronan aki a tuma lugá den área di Rio Canario i Gaitu.
Polis mester a duna asistensia den nuebe (9) kaso di violensia relashonal durante di e periodo aki.
Den un di e kasonan aki tabatin un detenshon i un kaso kaminda e víktima no kier a hasi denunsia.
E violensianan aki a tuma lugá riba tur dia di siman, for di Montaña Abou te ku Corasol.