WILLEMSTAD.- Públiko tabata ansioso pa e siguiente edishon di Curaçao North Sea Jazz Festival tuma lugá i esaki a resaltá ayera nochi. E di 10 edishon di e festival a kuminsá ku tremendo ambiente.
Un públiko basta grandi a akudí na e promé anochi kaminda tabatin aktuashon di ‘Afro 23’, ‘Leoni Torres’ i pa sera e anochi Nile Rodgers i CHIC a pèrkurá pa tremendo ambiente ku un repertorio karga di éksitonan.
Pa awe nochi bo mester sòru pa bo tei fo’i trempan paso pa 7or di anochi Juan Luis Guerra i 440 ta start i ta sigur ku lo bo no ke pèrdè nada. Awe nochi lo tin presentashon tambe di Gregory Porter, Glady’s Knight, Seal, Judith Hill, Joss Stone i pa sera e anochi
Marc Anthony.