Ban Move de Bario awe na Tera Kora

WILLEMSTAD.-Yegando praktikamente na final di e tremendo “Sportsweek” di FDDK EXTRA por menshoná ku mayan djabièrnè 23 novèmber ta e dia ku Fundashon Desaroyo Deporte Kòrsou ta animá tur hende pa bisti e “outfit” di nan deporte faborito pa bai trabou kuné. Kòrda pa post un foto riba página di Facebook di FDDK. E aktividat aki ta pinta di bira algu sumamente interesante, ku siudadanonan na nan boka di trabou bistí ku e paña ku ta usa den nan deporte faborito.

Pues esnan ku ta gusta deporte di futbòl ta bisti e ‘shirt’ di futbòl, miéntras ku esun ku ta gusta tènis ta bisti e trahe pa hunga tènis. Pa esnan ku gusta landamentu kisas mester pensa un otro solushon! Djabièrnè tur hende ta bisti e trahe di nan deporte faborito.

Mientrastantu e aktividat di Ban Move den Bario ta sigui awe tardi na Tera Kora na skol Anie Koenraad. Moveshon ta bon pa kurpa i mente i den e kuadro ei FDDK ta hasi esfuerso máksimo pa logra ku Kòrsou ta bai move mas tantu.

Djasabra 23 novèmber lo tin ‘Family Cup’ den stadion Ergilio Hato. Tambe lo tin torneo di pinpòn dòbel na stadion Irene Moreno i den Punda lo kombertí Wilhelminaplein den un kancha grandi di basket. E aktividatnan riba djasabra tur ta di 4’or atardi pa anochi. (file foto)