WILLEMSTAD.- Fiskal Guillano Schoop a bisa ku e pandemia tambe tin su reperkushonnan pa Ministerio Públiko.
Pero nan ta purba mas lihé posibel pa hasi e trabou, teniendo kuenta ku serka e organisashon tambe tin ménos hende trahando ku ta ménos di 40% porshento di nan kapasidat.
El a splika ku nan tin e kapasidat mínimo pa atendé e trabounan básiko ku tin ku wòrdu hasí, miéntras sobrá hendenan ta traha for di kas. Mester tene na kuenta ku e trabounan por bira ménos na detenshon, pero e hendenan ku ta faya ku e reglanan di e medidanan di e prosèsverbalnan ta keda drenta i mester atendé kuné.
Mas aleu Schoop a splika ku e kantidat di personal sintá na “De Tempel” òf Waaigat ta ménos prinsipalmente e parti di prosèsverbal.
Na final Schoop a konkluí bisando ku nan lo sigui hasi nan bèst pa kosnan por sigui kana den e organisashon di Ministerio Públiko manera mester ta.