WILLEMSTAD.-Awe mainta e promé pareha di mesun sekso a kasa na Kranshi. Ta trata di un pareha ku ta konsistí di dos hende muhé ku a kontraé matrimonio. Huntu ku nan sernan kerí a seremonia a sosodé den un ambiente trankil i festivo.

Na Kranshi EXTRA a tuma nota di basta atenshon pa seguridat e.o por a mira polis i otro seguridat. Esei ta komprendibel mirando ku tabatin hende ku a hasi yamada na siudadanonan pa bai protesta pa e echo ku awor na Kòrsou tambe parehanan di mesun sekso por kasa.

Un di e invitadonan ta minister Cijntje, kende a indiká ku e konosé e pareha den ámbito di trabou ya ku e tabata nan hefe den pasado. Cijntje a splika ku korte a papia i komo tal den un pais ku ta respetá regla nos mester respetá e loke korte a dikta. Ademas si dos hende ta stima otro nan mester por tin e derecho di kompartí ku otro.