WILLEMSTAD. - Mas kompania di aviashon ta kuminsá bula pa Kòrsou i esaki ta bon notisia. Riba Curaçao Airport Partners su facebook por a tuma nota ku Avianca lo kuminsá bula entre Cartagena pa Kòrsou for di dia 9 di yanüari benidero. Manera ta konosí for di den promé kuartal di aña 2019, Colombia a sera su frontera, meskos ku Kòrsou tambe tabata e kaso. No tabatin vuelo for di ningun destinashon, ni tampoko tabatin vuelonan ku tabata sali for di Kòrsou. E pandemia di COVID-19 a paralisá tráfiko aéreo por kompleto. Hopi persona ku tabata den eksterior a pasa problema pa yega nan kas. Poko poko por tuma nota ku kompanianan di aviashon a kuminsá pone Kòrsou den nan itinerario. Curaçao Airport Partners a kuminsá yama Avianca bon biní i ku dianan mihó lo regresá. (Foto kortesia di Facebook Curaçao Airport Partners).