Ku mas di 400 motersaikel

WILLEMSTAD. - Riba i rondó di e ‘Dia di Himno i Bandera’ Easy Riders Curaçao, e promé klup di motersaikel i esun mas grandi di Kòrsou for di 1996, ta tene su aktividatnan anual. Meskos ku añanan anterior, e klup lo bolbe haña bishita di motosikleta nan di Aruba, Boneiru, Sint Maarten, Sürnam, Hulanda i Merka. E aktividatnan lo ta di 26 di yüni te ku djamars 2 di yüli. E aña aki Otrobanda lo ta sentro di enkuentro prinsipal pa ku esaki.

Banda di e partisipantenan, públiko en general ta bon biní tur anochi na ERC. Durante e periodo aki lo tin diferente aktividat, manera “meet & greet”, karaoke, “Curaçao by Night”, “beachday” ku weganan i premio, “beerfest” i un “pre flag day party”.

Dia 2 di yüli lo tin e di 26 “Flag Day Bike Rally”, kaminda ku lo kore rònt e isla ku un promedio di 400+ motersaikel i na final lo tin entrega tradishonal di e premio.

Tur “biker” ku ke partisipá por inskribí djasabra anochi, dia 28 di yüni.

Pa preguntanan pa inskripshon i informashon por akudí riba nan link di medianan sosial, manera Facebook, Insta i WhatsApp channel.